英冠今晚上演佳節前獨腳戲，布力般流浪主場迎戰聯賽包尾大幡韋根。布力般經歷早前飄忽走勢之後，近況全面回勇，尤其主場出擊頻頻搶分；韋根今季作客腳軟，打咗近半季居然仲未贏過，一於熱捧主勝。

矢志重返英超嘅布力般暫排第10位，但其實只係差升班附加賽席位嘅前6幾分。佢哋今場有好消息，後防主力戴歷威廉斯傷愈復出，意味可夫添應戰。曾執教過些路迪嘅領隊莫比利，前線擁有今季已斬獲9球嘅射手戴克壓陣，配合德國中場賀治比，布力般鋒力絕對有保障。

近10場聯賽未贏過波嘅韋根，已經淪落到榜尾，護級壓力沉重，呢支南部球隊最大問題係今季作客未贏過波，加上大衞馬素爾、梅古同基化摩亞等主力都受傷病困擾，未知幾時好番，造訪近4仗主場全勝嘅流浪，韋根難逃輸波命運，主勝屬好路之選。