聽日蘇超一樣開聖誕快車，同樣推介一場「強弱懸殊」之戰，榜首球隊些路迪作客下游分子聖美倫。些路迪今季畀死對頭格拉斯哥流浪咬住唔放，依家搶分大過天，贏波3分最緊要，加上下仗咁啱要硬撼格流，今仗隨時留力，捧3.5球嘅入球細更划算。

聖美倫要為護級掙扎，佢哋主場出擊表現唔太差，開咧後9場聯賽主場3勝3和3負，包括力戰下僅負格拉斯哥流浪0比1，更試過爆冷贏前列分子鴨巴甸1比0，今場遇強必繼續死守博偷雞。最重要係些路迪嚟緊下仗聯賽，正正係老字號打吡——主場火併格流，呢場先係關乎爭冠嘅大戰，重要性遠超今仗，以往兩隊碰頭都踢到飛沙劈石。預計些路迪今仗會盡快鎖定勝局，之後玩拉布或換走主力為下仗留力，何況近4次對聖美倫，有3次開2球或以下，捧中位數3.5球嘅入球細仲穩陣。